ان شاء الله تعجبكم ونستفاد منها كلناا
العســل المـُـر
( الحلقة الأولى )
ندى بنت في بداية العشرينات من عمرها , متدينة جدا مطيعة وعارفة حدود ربنا ودينها , لبسها زي ما ربنا امر الحجاب الطويل والجلباب الفضفاض..
اتربت في بيت كله دفا وامان وخوف من ربنا , وكانت دلوعة اهلها ..
بتشوف صحباتها بيكلموا شباب واللي بتحب واللي بتضييع بسبب الحب ده , كانت دايما تنصحهم من عواقب الحب قبل الجواز ..
مامتها ربتها على كده , ان البنت اللي تستعجل حاجة قبل اوانها تتحرم من خيرها ..
وفي يوم دار حوار بينها وبين بنت من صحباتها وهم مروحين من الكلية
مروة: انتي ليه مش بتحبي وتحاولي تقربي من حد من الشباب اللي معانا في الكلية يا ندى , حرام شبابك تضيعيه كده من غير قلبك ما يدق ولا مرة
ندى : ومين قالك اني محبتش , انا بحب اهلي واصحابي مش لازم يكون الحب يعني للشباب , اصلا حرام ربنا نهانا عن كده , وبعدين انا بخاف من ربنا اوي ؟!!
مروة : انتي مبتشوفيش محمد بيتكلم عليكي ازاي
ندى : محمد مين ؟!! ( بإنزعاج )
مروة : محمد اللي دايما بيقعد وراكي في المدرج , ده مش بيبقى مركز اصلا مع الدكاترة وبيحضر محاضرات مخصوص عشان يشوفك , ما انتي دحيحة مبتسيبيش محاضرة الا ولازم تحضريها
ندى : هههههههههه انتي بتقري عليا بقى , طيب عالعموم يا مروة انتي عارفة رأيي في الموضوع ده , انا مستنية الإنسان اللي هيجي ياخدني من بيت اهلي مش محتاجة استعجل واعمل حاجة غلط , عشان ايه يعني ؟!! عشان كام ساعة سعادة وياريتها سعادة دي مزيفة
مروة : ماشي بس فكري الواد مز وميتعوضش
ندى : والله انتي مخك ضرب يامروة ربنا يهديكي , انا هركب الباص اشوفك بكرة , سلام يا شعنونة
مروة : سلام
وركبت ندى الباص وفجأة ....
يُتبع
♪♫.•.Bannota muslimaa ∷.•.♫♪•memo♪♫.•